PAPERSPAST

Ko te Feilding Star te nūpepa tuatahi ki te whakatā ki Aorangi (Feilding). Kua whanake haere te takiwā o Aorangi i roto i te tekau tau mai i 1870, he mea akiaki nā te nōhanga o te poraka whenua o Manchester, nā te hononga hoki o Aorangi ki ētahi atu tāone o Manawatū me Horowhenua. I tika tonu ngā āhuatanga hei whakatū i tētahi nūpepa ki reira.

Ko te nūpepa, i huaina ai ko te Feilding Guardian i te tīmatanga, nā George Capper rāua ko David Curle i whakaū i te tau 1879. I hokona atu te nūpepa i te tau 1882 ki a George Kirton rāua ko Augustus Robert Curtis, nā rāua te ingoa i whakawhiti ki te Feilding Star. Ka whakaputaina te nūpepa ia rā mai i te tau 1893, he urupare ki te tauwhāinga i piki ake ai i ētahi atu nūpepa i ērā atu tāone o taua takiwā, motuhake i Te Papa-i-oea (Palmerston North).

I te tau 1906, ka hokona mai te Star e tōna rangatira tino rongonui, a Frederick Pirani. Kua tū hoki a Pirani hei Mema Pāremata mō Te Papa-i-oea mai i te tau 1893 ki 1902. He Rīpera tuwhena a Pirani, i whakaurua nuitia ai ki te whawhai e tōna āhua tū atu, motuhake ki a Te Hētana (Seddon), te Pirimia, te kaiārahi hoki o tōna rōpū tōrangapū. Nō reira, i tautokona e Te Hētana tētahi kaitono tāwhai mō te rohe pōti o Te Papa-i-oea i te pōtitanga o 1899. Ahakoa rā, i mau tonu i a Pirani tōna tūru.

Ehara hoki te Feilding Star i tā Pirani toronga tuatahi ki te tānga nūpepa. Kua mahi kē ia hei kaituhi kōrero, ā, nōna hoki a te Manawatu Standard, a te Hutt and Petone Chronicle hoki.

I whakamutua te tānga o te Feilding Star i te marama o Whiringa-ā-nuku 1939, e kī ana he kōpaka no te nūpepa i te wā o te Pakanga te take.