PAPERSPAST

He mea whakarewa i te 1880, ko te Ellesmere Guardian te nūpepa tuarua kia tāngia i te rohe o Ellesmere, nō ngā rā e rua o mua tata noa ka tāngia ai e Joseph Ivess te Ellesmere Advertiser. He mea tā aua pepa e rua nei i Southbridge. Kīhai i pau te tau, ka kore noa te Advertiser.

I mua noa te mahi a Charles Edmund Sherlock, te kaitā o te Guardian, ki te Ashburton Mail ka nuku ai ki Southbridge. I te 1886 ka riro i a Robert George Park te whakahaeretanga. I roto i ngā tau mahi ko ia tētahi o ngā hoa pakihi ki te umanga. Ka nukuhia e ia te tari o te Guardian ki Leeston.

Te āhua nei ko ngā tau ruarua o muri mai he mea uaua mō te Guardian. Ka whakatārewatia te tānga i ngā tau whakamutunga o ngā 1890, ka riro atu ka riro mai te rangatiratanga. Nō te 1892, nō te whakahokitanga o te nūpepa ki Southbridge e Willliam Zouch, i te Ashburton Guardian i mua, ka haere pai ake ai. Ka tupu te horahanga mai i te 800 tānga ki te 1200.

I te 1897 ka tū ko Cecil Rhys Thornton hei etita. He whakapaunga kaha nōna ki te aukati waipiro, ā, nāna te nūpepa i whakamahi hei tautoko i taua take nei. Nā taua whakapaunga kaha ka hāmenetia ia i te 1899 mō te takahi mana mai i āna tuhinga ki te nūpepa. I te 1904 ka nuku atu a Thornton ki te Inangahua Times.

Nā Horace McMillan, tētahi kairipoata i te nūpepa ka 19 ana tau, nāna te Guardian i hoko i te 1908, ka mau tonu tae noa ki tana rītāitanga i te 1947. I raro i a ia ka pūāwai te nūpepa, ko ia nei tētahi o ngā nūpepa tuawhenua papai ake o te Tōminiona.

Ka whakahokia e McMillan ngā whakahaeretanga ki Leeston i te 1916. Ka noho te nūpepa ki reira tae noa ki tōna tuhonotanga ki te Malvern Record ka tū ai te Central Canterbury News i te 1983.

Tēnā: e rua noa ngā putanga o te Guardian o mua o te 1891 kei te kitea tonutia i tēnei wā.