PAPERSPAST

Ko te Bay of Plenty Times i tēnei wā tētahi o ngā tino nūpepa o Aotearoa e whakaputa atu ana ia rā, engari mō ngā tau maha i nui ngā raruraru, ā, ka maha ngā wā ka tata rā anō te kati.

I tāngia tuatahitia i te 4 o Mahuru 1872, ā, e rua ngā putanga ki te wiki. E whā ōna whārangi, he nūpepa hīnohi, ā, e toru kapa te utu. Ko tōna kaihanga, tōna ētitaētita hoki, ko W.B. Langbridge.

Ki roto i ngā tau e 40 o muri mai, he maha ngā hokonga i te Times, ā, ko ētahi anō, he hoko ā-mokete. Ahakoa ngā pōrarurarutanga nō te tau 1897 ka tāngia ai e te Times tētahi āpititanga Kirihimete me te whakaatu whakaahua, arā, he mea hōu ki roto i ngā nūpepa o te wā i Aotearoa.

Mai i te tau 1883, mai i te hokonga e ngā whānau Gifford, Cross hoki ka āhua tatū te puehu. Ko aua whānau tonu ōna rangatira tae noa ki te hokonga ki te kamupene Wilson me Horton i te tau 1992. Ka hokona anō i te tau 1996, nō te rironga i a Independent Newspapers PC o Tapurini (Dublin) te nuinga o ngā hea o Wilson and Horton.

I te tau 1976 ka kāinga e te ahi te katoa o ōna putanga tawhito. He waimarie nō te pupurutanga e te kaitā he kape ki runga kiriata mōkito, e tiakina ana i tēnei wā i te Whare Pukapuka a Alexander Turnbull.

Kua puāwai te Times i ngā tau e 50 kua taha nei, tēnā pea kua tū kaha. Ko tōna whakawhanaketanga he mea haere tahi ki tō te rohe o Te Waiariki, me te tere o tāna tupu mai i te whakatūnga a Maunganui hei whanga hokotai i te tīmatanga o te tekau tau atu i 1950.