PAPERSPAST

I tāia te putanga tuatahi o te Albertland Gazette i te 14 o Hune 1862, i runga i te kaipuke ‘Matilda Wattenbach’, he kaipuke tēnei i mau mai i ngā kainohonoho whakapono whakahē ki te Kaipara. Kua oti kē a Samuel Johnson (1827-1905) te tohu hei kaitā, hei ētita hoki. I tāia hoki e ia tētahi putanga tuarua i runga kaipuke ahakoa te āwangawanga kei huripokina ana pouaka reta.

Ahakoa i tae atu te kaipuke ki Tāmaki-makau-rau i te marama o te Hepetema 1862, nā ngā tautohetohe ki te kaiārahi o te heke ki a William Rawson Brame, ka noho rawa a Johnson ki Tāmaki, me Ōtepoti mō tētahi wā, ā, nō te marama o Māehe 1863 kātahi anō ia ka tae atu ki Port Albert.

Ka tāia e ia te putanga tuatoru, ko te mea tuatahi tēnei kia tāia ki uta, i te 1 o Ākuhata 1863, ā, ka puta haere tonu te Albertland Gazette ia marama, ia marama, taea noatia te putanga whakamutunga i te 19 o Hune 1864.

Kua tino pau tana hau hei whakawhakaputa, hei ētita, hei kaikawe kōrero, hei kaitā hoki, tae atu hoki ki tana noho hei kaitiaki poutapeta, ā, ka wehe atu a Johnson i Port Albert, haere atu ana ki te whakatū i te Marlborough Express ki te Wairau.